കണ്ണൂർ വിമാനത്താവളം; സർവീസ് നടത്താൻ തയ്യാറായി 11 അന്താരാഷ്ട്ര സർവീസുകളും 6 ആഭ്യന്തര സർവീസുകളും; ഒരുക്കങ്ങൾ അവസാനഘട്ടത്തിൽ
കണ്ണൂര് ;കണ്ണൂര് വിമാനത്താവളത്തില് നിന്ന് സര്വീസ് നടത്താന് 11 അന്താരാഷ്ട്ര കമ്പനികളും ആറ് ആഭ്യന്തര കമ്പനികളും സമ്മതം അറിയിച്ചിട്ടുണ്ടെന്ന് വിമാനത്താവള കമ്പനി ചെയര്മാന് കൂടിയായ മുഖ്യമന്ത്രി പിണറായി വിജയന് പറഞ്ഞു. കഴിഞ്ഞ രണ്ടുവര്ഷ കാലയളവിനുള്ളില് കണ്ണൂര് അന്താരാഷ്ട്ര വിമാനത്താവളത്തിന്റെ നിര്മാണ പ്രവര്ത്തനങ്ങളില് കാര്യമായ പുരോഗതിയുണ്ടാക്കാന് കഴിഞ്ഞത് അഭിമാനകരമാണെന്നും അദ്ദേഹം പറഞ്ഞു. കമ്പനിയുടെ വാര്ഷിക പൊതുയോഗത്തില് അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.
അന്താരാഷ്ട്ര വിമാന കമ്പനികളായ എമിറേറ്റ്സ്, ഇത്തിഹാദ്, ഫ്ളൈ ദുബായ്, എയര് അറേബ്യ, ഒമാന് എയര്, ഖത്തര് എയര്വെയ്സ്, ഗള്ഫ് എയര്, സൗദിയ, സില്ക്ക് എയര്, എയര് ഏഷ്യ, മലിന്ഡോ എയര് എന്നിവയും ഇന്ത്യന് കമ്പനികളായ എയര് ഇന്ത്യ, എയര് ഇന്ത്യ എക്സ്പ്രസ്, ജെറ്റ് എയര്വെയ്സ്, ഇന്ഡിഗോ, സ്പൈസ് ജെറ്റ്, ഗോ എയര് എന്നിവയുമാണ് കണ്ണൂരില്നിന്ന് സര്വീസ് നടത്താന് സമ്മതം അറിയിച്ചിട്ടുള്ളത്.
റണ്വേയും എയര്സൈഡ് വര്ക്കുകളും ഉള്പ്പെട്ട 694 കോടി രൂപയുടെ ഇപിസി കോണ്ട്രാക്ട് ജോലികളും 498 കോടി രൂപയുടെ ടെര്മിനല് ബില്ഡിങ്ങും അതിനോടനുബന്ധിച്ച സിറ്റി സൈഡ് നിര്മാണ ജോലികളും ടെര്മിനല് ബില്ഡിങ്ങിനകത്തെ ഡിഎഫ്എംഡി, എച്ച്എച്ച്എംഡി, ഇന്ലൈന് എക്സ്റേ മെഷീന്, ബാഗേജ് ഹാന്ഡ്ലിംഗ് സിസ്റ്റം, ചെക്ക് ഇന് കൗണ്ടറുകള്, എമിഗ്രേഷന് ചെക്ക് പോയിന്റുകള്, ലിഫ്റ്റുകള്, എസ്കലേറ്ററുകള്, പാസഞ്ചര് ബോര്ഡിംഗ് ബ്രിഡ്ജ് ജോലികളും പൂര്ത്തീകരിച്ചു.
ഗ്രൗണ്ട് ഹാന്റ്ലിംഗ് സേവനങ്ങള്ക്കായി എയര് ഇന്ത്യയുടെ സബ്സിഡിയറിയായ എയര് ഇന്ത്യ എയര് ട്രാന്സ്പോര്ട്ട് സര്വീസസ് ലിമിറ്റഡിനെയും സെലിബി ഗ്രൗണ്ട് ഹാന്ഡ്ലിംഗ് ഡല്ഹി െ്രെപവറ്റ് ലിമിറ്റഡിനെയുമാണ് നിയോഗിച്ചിരുന്നത്.
No comments